Panibagong P.50 oil price hike kinastigo ng Piston

Kinastigo ng grupong Pinagkaisang Samahan ng mga Tsuper at Operators Nationwide (PISTON) ang panibagong P.50 na pagta­taas sa presyo ng langis ng mga dambuhalang kum­panya ng krudo kung saan inaasahan rin na susunod ang mga “small players”.

Sinabi ni Piston secretary general George San Mateo na ikaanim na pag­taas na ng halaga sa diesel ang naganap ngayong taon kung saan umakyat na sa P35 kada litro ang halaga nito at P44 naman sa bawat litro ng gasoline na tiyak na magpapahirap sa mga tsuper at publiko.

Lumang tugtugin na umano ang katwiran na sanhi umano ng ‘oil hike’ ang pagtataas ng halaga ng langis sa ‘world market’. Pinalipas lamang umano ng mga kumpanya ng langis at ng pamahalaan ang SONA (State of the Nation Address) bago ilunsad ang su­nud-sunod na namang pag­tataas sa halaga ng gas. 

Iginiit rin ng grupo na iba­­sura na ng pamahalaan ang Oil Deregulation Law at ibalik na sa kontrol ng pa­ma­halaan ang pagtatakda sa presyo ng langis sa bansa upang mas maban­tayan nito ang kapakanan ng mama­ mayan. (Danilo Garcia)