Road safety training ng mga driver at conductor, sinuspinde ng LTFRB

MANILA, Philippines — Sinuspinde ng Land Transportation Franchising and Regulatory Board (LTFRB) ang implementasyon ng Comprehensive Road Safety Training program para sa mga driver at conductor ng mga public utility vehicle (PUV).

Iton ayon kay LTFRB Chairperson Atty. Teofilo Guadiz III ay patunay lamang na nakikinig ang kanilang tanggapan sa hinaing ng sektor ng transportasyon.

Ani Guadiz nagsagawa nang konsultasyon ang LTFRB sa mga opisyal at eksperto ng transportasyon para repasuhin ang framework ng training program.

Una rito, nanawagan ang sektor ng transportasyon na dagdagan pa ang naunang walong beses na konsultasyon para sa drivers’ aca­demy.

Target ng LTFRB na mabalanse ang panga­ngailangan sa road safety at ang riyalidad na kinakaharap ng mga PUV operators at drayber sa kalsada.

Tiniyak din ni Guadiz na bagamat suspendido ang implementasyon ng programa, paiigtingin pa rin ang road safety standards at responsableng public services para sa mga commuters.