Mapugos ba ang asawa sa pagbayad sa utang sa bana?

Dear Atty. Divine,

Ang akong bana nangutang sa lending company nga wa ko masayud. Karong bag-o, ako ug ang akong bana gipadad-an og demand letter sa iyang giutangan nga lending. Sugarol man gud kining akong bana og karon mihulga ang lending nga ilang kuhaon ang akong yuta kon dili makabayad ang akong bana sa iyang utang. Kining maong yuta, ako ning sinunod sa akong mga ginikanan. Ang akong pangutana kon mapugos ba ko sa pagbayad sa utang sa akong bana? Daghang salamat. —Lisa

 Dear Liza,

Kun duna kay dokumento nga ikapakita nga magpamatuod nga ang maong property dili conjugal kondili imo kining exlcusive property og na-inherit gikan sa imong mga ginikanan then dili maka pugos ang lending company nga giutangan sa imong bana pagkuha sa imong property bisan kon sila modangop pa sa korte. Basi sa atong Family Code of the Philippines kon ang kwarta nga giutang sa imong bana, wa niya gamita alang sa iyang pamilya, dili ka mapugos sa pag-apil sa pagbayad sa maong utang. Buot ipasabot nga kon ang kwarta nga gi loan sa imong bana iyang gipusta sa sugal og napildi siya, then ang imong bana ra ang obligado nga mobayad niini kay wa man makabenepisyo ang imong pamilya sa kwarta nga iyan giutang. Thank you and God Bless. —Atty. Divine

Alang sa imong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.