Fake news

Ang fake news duol o konektado sa politika hinungdan nga gisugyot sa mga suhito o hanas nga mas maayo nga gamiton ang pulong nga false information tungod kay mas motakdo kini sa mga misinformation ug disinformation nga molangkob sa hisgoranan sa panglawas, kalikopan ug ekonomiya sa tanang platforms ug genres samtang ang fake news maingon nato nga mahitungod kini sa mga istorya kabahin sa politika.

Daghang mga butang nga imong makita ug mabasa online ilabina sa social media nga tinuod pero duna puy dili tinuod.

Ang false information mga balita ug istorya nga gituyo sa  pagmugna alang sa pagpanglingla sa nakakira ug nakabasa.

Kasagaran ang istorya gituyo aron ma-inpluwensiyahan ang panahom sa katawhan, iduso ang politikanhon nga adyenda o sa pagmugna og kalibog nga makahatag og dakong kita sa nagpublikar.

Ang false information makalipat sa katawhan sa ilang pagtanaw ss daw tinuod ug kasaligan nga websites o sa pag gamit og susamang pangalan ug webaddresses ngadto sa mga reputable nga media organisasyon.

Matud pa ni Martina Chapman usa ka Media literacy expert miingon nga adunay tulo ka elemento ang fake news nga mao ang mistrust, misinformation ug manipulasyon.

Ang false information dili bago. Nagsugod kini niadto pang tuig 2017 diin nahimong init nga hisgotanan ang fake news.

Adunay walo ka tipo ang false information nga gilangkoban aning mounod: clickbait, propaganda, satire/parody, sloppy journalism, misleading heading, biased/slanted news, impostor content ug manipulated content.

Kining mosunod makatabang nimo sa pag ila sa false information: tanawa kinsa nag share sa istorya, paduli sa pag tanaw, ayaw lang tanawa ang headlines, tanawa ang uban nga tinubdan, tanawa ang facts ug biases, tanaws dili ba komedya.