Mga milagro, aparisyon ug uban pa

(Unang gula)

2. Nothing Contrary to the Faith. Non Constat de supernaturalitate (It is not Clear whether it is from God). Kun ang maong giingon nga Milagro o aparisyon wala pa matino kun maseguro kun supernatural ba ang tinubdan niini nga sa ato pa gikan sa Dios. Tan-awon sa Simbahan mao nga ang maong Milagro o aparisyon wala makasupak sa mga sukaranang pagtuo ug moral. (Faith and Morals).

3. Approved. Constat de Supernaturalitate (Gihukman nga gikan gyud sa Dios). Nagpasabot kini nga ang maong Milagro o panghitabo angayan gyud sa pagtuo o tuohan kun worthy of belief, (Constat de Supernaturalitate). Wala kini makasupak sa sukaranan sa  pagtuo ug moral. Apan angayan natong hinumdoman nga ang pagtuo sa maong aparisyon bisan gani ang tinuod nga aparisyon ang wala na kinahanglana alang sa kaluwasan.

Kalabot sa mga Milagro sa Pag-ayo (Healing Miracles) kang Kansang Tinubdan Gikan sa Mini nga Aparisyon?

Malisud tubagon kining maong pangutana apan dunay mga sukaranang prinsipyo nga gitudlo kanato ang Mystical Theology kalabot niini. Naglangkob kini ning mosunod:

1.  Dios lamang ang makahimo og Milagro.

2.  Ang mga demonyo mahimong makapahingangha sa katawhan pinaagi sa mga malimbongong mga “Milagro” kuno apan sa tinud-anay dili sila makahimo og matuod nga mga Milagro. Ang Milagro nga matuod matawag nato nga og supernatural origin. Samtang ang gikan sa mga yawa ang pagatawgon og “preternatural origin.”

3.  Ang mga nagbansay sa okulto (occult practioner), mga shamans ang makahimo sa pagpanambal apan ang tinubdan sa ilang gahom gikan man sa Mahika o dili ba kaha adunay tabang gikan sa mga dautang Espiritu.

4. Bugtong ang Simbahan lamang ang adunay gahom sap ag-ila ug pagdason sa mga Milagro nga tinuod nga Milagro, tinuod nga aparisyon, ingon man tinuod nga kaayohan. Kining maong mga pamaagi (healing miracle) ang gihimong sukaranan usab aron madeklarar ang usa ka tawo nga Santo diha sa proseso sa kanonisasyon.

5.  Ang mga pag-ampo sa katawhan ngadto sa Mahal nga Birhen ug sa mga santos bisan pa man kun de facto dili matuod nga aparisyon, usa gyud ka pag-ampo ngadto sa ilang mga santos nga patron. Apan lagi sa maong paglimbong wala sila masayod nga ang maong Milagro ug aparisyon dili matuod. Ang mga grasya nga ilang nadawat gumikan sa maong pagtuo. Kun nasayud pa unta sila nga ang naghimo sa maong Milagro usa diay ka impostor dili gyud unta sila modangop niini aron magpakitabang.