Admininstrasiyong Marcos niining makaluluoy'ng gidangatan ni kanhi Presidente Rodrigo Roa Duterte

Makauulaw kaayo ang gibuhat sa admininstrasiyong Marcos niining makaluluoy'ng gidangatan ni kanhi Presidente Rodrigo Roa Duterte (PRRD), kinsa morag basurang gisayonsayon ra nilag tugyan-dan-ok ngadto sa mga kamot sa banyagang nasod, the Hauge, Netherlands without due process of law dinhi sa iyang yutang natawhan

Nadiskobre-sayran hinuon sa tanang dagkong lider sa tibuok uniberso, ang kabastos-kabakakon-kaabusado sa administrasiyong Marcos kon giunsa nila pagdala ang nasod ug katawhan sa Pilipinas, nga kon wala nay pamilyang Duterte nga kusganong mopugong-harang, seguradong kaulipnan gyoy mapuntariyahan natong Pinoy, diin mahisama na lang unya kita sa walay biling mananap nga pwede ra nilang bun-ogon-kastigoon-patyon sa bisan unsang oras nga motokar ang yawan-ong aso nga miduladula sa ilang utok.

Unta, dili matinuod kining gikahadlokan kong pangangpas. Unta, mahisama lamang kini sa usa ka damgo, nga sa imong pagmata, mahanaw!

Ubay-ubay'ng nasud ang misaway sa gibuhat sa administrasiyong Marcos, kinsa sagad sa mga presidente-lider, mikomentariyo nga walay katungod nga manghilabot ang International Criminal Court (ICC) sa nasod nga dili na miyembro nila. Kay kini wala sa ilang hurisdiksiyon. Ikaduha, may kaugalingon mang korte ang Pilipinas, unya nganong gipasa-gipakidnap o gi-extrajudicial rendition man nila si PRRD?

Ultimo, atong Senado nga miibestiga niini, mipamatuod may dakong sayop ug paglapas sa atong Batakang Balaod ang kagamhanang Marcos sa pagdakop ni PRRD. Kini tungod kay walay gikapakitang warrant of arrest gikan sa korte sa Pilipinas ang gitahasang CIDG Chief Nicholas Torre III, kinsa morag maoy kinatas-ang hari nga manglihoklihok niadtong tungora ug wala nay respeto sa tigulang-masakiton nang PRRD.

Unya, inay pugngan ni PBBM nga dili mahinayon ang maong binuang, gipasagdan lang ang kapolisan nga isakay si PRRD ngadto sa pribadong jet plane nga klarong giandam nang daan.

Nan, karong nasayran na sa Senado ang maong pagka-illegal arrest ni PRRD, dapat aksiyonan dayon nika kini.  Nianang aktibong aksiyon nga makapahibalik gilayon ni PRRD dinhi sa ato.

Kay kon sila kutob ra sa baba? Aw, nagpaila lamang, pabor sila sa daotang balaod. Ug dili sa tarong-tiunay-patas-ligdong! Nga maoy gisinggit karon sa tanang pro-good governance lover halos sa tanang dapit sa tibuok kalibotan.

Unta, madutlan nag kaluoy ang gahing kasingkasing sa atong mga magbabalaod!