Driving skills training laban sa aksidente sa lansangan - Angkas
MANILA, Philippines — Naniniwala ang isang hailing apps na dapat paigting ang pagsasanay sa pagmamaneho ng bawat driver hindi lamang sa mga motorcycle taxi kundi sa lahat ng nagmamaneho ng motorsiklo upang maiwasan ang mga aksidente sa lansangan.
Sa QC Journalist Forum, sinabi ni Angkas President at Angkasangga first nominee George Royeca, pagkalooban ng libreng training bago rumatsada sa kalsada ang mga motorcycle driver. Sa ngayon aniya, nasa 700,000 ang nabigyan ng libreng training.
“While we support the crafting of the Motorcycle Taxi Act, there should also be free training for motorcycle drivers them . But the Act is not addressing all the aspects, we need a separate law for that. Transportation and mobility is a national problem,” ani Royeca.
Sinabi naman ni QC Councilor Wency Lagumbay, chairman ng QC Council’s Committee on Ways and Means, dapat bigyan ang lokal na pamahalaan ng kapangyarihan na ma-regulate at mabigyan ng training ang mga motorcycle taxi.
Kaugnay nito, hinikayat ni Edwin Go, Presidente ng Motorcycle Dealers Assn of the Philippines ang DOTr na kausapin muna ang iba’t ibang stakeholders bago isailalim sa rehabilitasyon ang Edsa.
Sinabi naman ni Ka Lando Marquez, Pangulo ng Liga ng Transportasyon ng Pilipinas (LTOP), panahon na para isama ng Department of Education sa schools curriculum ng mga magaaral ang aralin sa transportation para sa murang kaisipan ng mga mag-aaral ay mauunawaan na ng mga ito kung paano ang tamang pagmamaneho at maiiwasan ang mga aksidente sa kalsada.
- Latest
