Lima ka nalambigit sa ilegal nga sugal sikop
CEBU, Philippines — Lima ka indibidwal nga giingong nalambigit sa ilegal nga sugal nga swertres ang nadakpan sa managlahi nga operasyon sa Criminal Investigation and Detection Group (CIDG)-7, kapolisan sa Lungsod sa mga Badian ug Oslob sa niaging mga adlaw.
Nadakpan sa CIDG-7 diha sa Purok Sampaguita, Barangay Magsico, Lungsod sa San Fernando si alyas” Delfino”, 45-anyos, residente sa naasoy nga lugar.
Nasakmit gikan sa suspetsado paraphernalia sa ilegal nga sugal nga swertes sama sa bet stub, pusta nga P50, tally bet stub, carbon paper, ballpen ingon man kwarta nga P4,250.
Laing nadakpan sa Purok Orchids 2, Barangay North Poblacion, Lungsod sa San Fernando mao si alyas “Alsa”, 44-anyos, molupyo sa maong dapit.
Nasakmit usab gikan sa suspetsado ang mga paraphernalia sa ilegal nga sugal.
Samtang duha usab ka tawo ang nadakpan sa Badian Police Station diha sa Barangay Poblacion, Lungsod sa Badian.
Ang mga nasikop mao sila si alyas “Ana”, 39-anyos, residente sa Barangay Tigbao ug alyas “Josefa”, 50-anyos, molopyo sa Barangay Malhiao parehong sa nahisgutang lungsod.
Nasakmit usab gikan sa maong mga suspetsado ang stubs nga dunay nagkalain-laing illegal numbers game combination, ballpen ug kwarta nga P520.
Samtang ang Oslob Police Station nasikop nila si Alyas “Janice”, 45-anyos diha sa Barangay Gawi, Lungsod sa Oslob.
Ang mga suspetsado mag-atubang og kasong kalapasan sa Akta Republika 9287 kun “An Act Increasing the Penalties for Illegal Numbers Games, Amending Certain Provisions of Presidential Decree No. 1602, and for other purposes”. (BANAT NEWS)
- Latest