3 timbog sa higit P20 milyong shabu sa buy-bust
MANILA, Philippines — Tatlong drug suspects ang naaresto ng mga otoridad sa magkahiwalay na buy-bust operation sa Quezon City at Pampanga na kung saan ay aabot sa higit P20 milyon ang halaga ng shabu ang nakumpiska.
Kinilala ni PDEA Director General Mozo Virgilio Lazo, ang mga naarestong drug suspects na sina Arnold Zaragoza Armamento, 49, taxi driver; Ansano Macapantad, 28; at Salahudin Amatonding, 29.
Sa Quezon City, ikinasa ang anti-illegal drug operation, alas-12:17 ng tanghali nitong Huwebes sa isang mall sa Cloverleaf, Balintawak Quezon City na nagresulta sa pagkakahuli kina Armamento at Macapantad.
Nakumpiska sa mga suspek ang dalawang vacuum sealed na hinihinalang shabu na may timbang na dalawang kilo at tinatayang nagkakahalaga ng P13.6 milyon at cellphone.
Dakong, alas-7:55 naman ng gabi nang isagawa ang buy-bust sa harap ng Sky Hotel sa Gugu, Bacolor, Pampanga kung saan naaresto si Amatonding at nasa 1 kilo ng shabu na may standard price na P6.8 milyon, cellphone, boodle money at Toyota Vios na may plakang NFU 3811 ang nakumpiska.
- Latest