Mga iskul na nagsuspinde ng F2F classes dahil sa init ng panahon, nasa 7,734 na
MANILA, Philippines — Umaabot na sa 7,734 na mga pampublikong paaralan na nagsuspinde ng face-to-face classes kahapon at inatasang magdaos na lamang ng alternative mode of learnings.
Ito’y bunsod pa rin nang matinding init ng panahon na nararanasan ngayon sa bansa.
Sa datos ng DepEd, nabatid na pinakamaraming apektadong paaralan sa Western Visayas, na nasa 1,613.
Sinundan naman ito ng Central Luzon na nasa 1,254; Bicol na nasa 1,181; at Zamboanga na nasa 666.
Ayon sa DepEd, sa National Capital Region (NCR) naman ay nasa 252 public schools rin ang hindi na nag-face-to-face classes.Mayroong 47,678 pampublikong paaralan sa bansa.
Una nang sinabi ng DepEd na ang mga school heads at mga local officials ay may awtoridad na magsuspinde ng klase kung matindi ang init ng panahon sa kanilang nasasakupan.
- Latest
