Presyo ng gasolina tataas; diesel at kerosene bababa sa susunod na linggo

MANILA, Philippines — Muling makakaranas ng panibagong dagok ang mga motorist na gumagamit ng gasolina dahil tataas ang pres­yo nito sa susunod na linggo.

Ayon sa oil players, tataas ng mula 40 centavos hanggang 60 centavos ang presyo ng gasolina kada litro.

Gayunman, may pagbaba naman ang presyo ng diesel ng mula 60 hangggang 85 centavos kada litro.

Bababa rin ang presyo ng kerosene ng 60 hanggang 80 centavos kada litro.

Sinasabing ang nagdaang apat na araw na presyuhan ng produktong petrolyo sa merkado ang ugat ng oil price adjustment.

Tuwing Martes ipinatutupad ang pagbabago sa halaga ng petroleum products.