Mga pagsulay diha sa pagpanudlo

Fr. Bel San Luis, SVD

Nag-estoryahanay ang prinsipal ug ang usa sa iyang mga maestra.

Principal: Pila man ka buok mga estudyante nato ron?

Maestra: Usa ka libo ka mga estudyante ug duna tay 40 ka mga magtutudlo.

Principal: Maayo hinuon. Unya kumosta naman?

Maestra: Sus! Pastilan! Dili na gyud tawon mabangbang ang mga estudyante karong mga panahona. Pagkabuluyagon nila! Gani, duna na tay 39 ka mga drop outs!

Princial: 39 ka buok? Mao ba? Sagdi lang, total naa pa man tay 971 ka buok nahabilin.

Maestra: Pero sir, wala man ko maghisgot og mahitungod sa mga estudyante, ang mga maestra ug maestro ang akong gipasabot! Ako na lang ang nahabilin.

Pamalandong

Usa ka hamiling bokasyon ang pagpanudlo ug kalakip sa maong bokasyon ang mga dili tiaw nga mga pagsulay. Mao nga nahinumdom hinuon ko sa dihang hayskol pa ko sa dihang nisuwat ko og artikulo sa among school paper. Ang akong gitaytol: Teacher. A Hero or a Martyr? Mao nga maayo gyud nga hatagan og igong pagtagad ang atong mga maestro ug maestra kay kun wala pa ang mga sama kanila, wala pud ang mga sama kanato karon?