PDEA sinalakay drug den, 10 kinalawit
MANILA, Philippines — Nabuwag ng Philippine Drug Enfrocement Agency (PDEA) ang isang drug den na nagresulta sa pagkakadakip ng 10 drug personalities na kinabibilangan ng dalawang empleyado ng Government Service Insurance System (GSIS) nitong Miyerkules ng gabi sa Purok Suaybaguio B, Barangay Magugpo North, Tagum City, Davao del Norte.
Sa pangunguna ng PDEA Regional Office XI, Tagum City Police Station, at Philippine Coast Guard, naaresto sa drug den ang maintainer na si alyas Hanz, 31, matapos bentahan ng shabu na nagkakahalaga ng P8,000 ang isang undercover agent bandang alas-7:55 ng gabi.
Nadakip din ang dalawang IT support ng GSIS na umano’y suma-sideline ng trabaho sa drug den, at ang pitong bisita na naaktuhan sa shabu session.
Nakumpiska ang nasa 14 gramo ng shabu na na nagkakahalaga ng P126,000, mga drug paraphernalia at marked money.
Mahaharap ang mga suspek sa mga kasong paglabag sa Republic Act 9165, o ang Comprehensive Dangerous Drugs Act of 2002.
- Latest
