P340 milyong ‘bato’ nakumpiska ng PDEA
2 bebot na ‘tulak’ timbog
MANILA, Philippines — Umaabot sa P340 milyong halaga ng pinaniniwalaang shabu ang nasamsam sa joint operation ng Philippine Drug Enforcement Agency (PDEA) at Philippine National Police (PNP) sa Barangay Putatan, Muntinlupa City.
Sa operasyon ng PDEA Intelligence Service (IS), PDEA NCR Southern District Office at PNP SDEU Muntinlupa, naaresto ang dalawang babaeng ‘tulak’ na sina alyas Tita Joy at alyas Liezel, kahapon ng umaga sa South Green Heights Village, Barangay Putatan, Muntinlupa City.
Bumulaga sa mga awtoridad ang white crystalline substance na pinaniniwalaang shabu na nakalagay sa isang kahon na may 25 golden aluminum packs, isang bagahe na 20 vacuum sealed orange packs na may label na “Cote d’Ivoire”, at isang ecobag na naglalaman ng 5 vacuum sealed orange packs na may label na “Cote d’Ivoire”.
Ang mga nasabat na illegal drugs ay tinatayang nasa 50 kilo na may street value na P340 milyon.
Sasampahan ng paglabag sa Sections 5 (Sale of Dangerous Drugs) at Section 11 (Possession of Dangerous Drugs) ng Article II of Republic Act 9165, o Comprehensive Dangerous Drugs Act of 2002 ang dalawang babaeng ‘ tulak’.
- Latest
