Duterte dadalo sa drug war probe ng Senado — Bato
MANILA, Philippines — Imbitado sa pagdinig sa Lunes, Oktubre. 28 sina dating Pangulong Rodrigo Duterte bilang isa sa mga resource person at retired Police Colonel Royina Garma.
Si Senate Minority Leader Aquilino “Koko” Pimentel III, ang mangunguna sa pagdinig ng Senate blue ribbon subcommittee na nakatakda sa alas-10 ng umaga.
Kinumpirma ni Sen. Ronald “Bato” Dela Rosa kay Pimentel na nakahandang dumalo sa pagdinig si Duterte.
“Sinabi sa akin [Duterte] ay handang dumalo, kaya’t isama natin siya,” sabi ni Pimentel sa isang panayam nitong Martes, na binanggit ang kanyang pakikipag-usap kay Dela Rosa, dating chief PNP ni Duterte.
“So I was the one who said that if he’s willing to attend, then I’ll invite him,” dagdag ni Pimentel.
Bagama’t isasama si Duterte sa listahan ng mga inimbitahang resource persons, nasa kanya pa rin kung tatanggapin o hindi ang imbitasyon ng panel, ani Pimentel.
“Magpakita man siya o hindi, huwag mo akong sisihin. I can’t control that,” dagdag ni Pimentel
Matatandaan na si Garma ang nagkumpirma sa imbestigasyon ng House quad committee tungkol sa reward system sa mga makakapatay ng drug lord o drug addict.
Bukod kay Duterte at Garma, iimbitahan din sa pagdinig sina dating Sen. Leila de Lima, resigned National Police Commission chief Edilberto Leonardo, self-confessed drug lord Kerwin Espinosa, at mga pamilya ng mga biktima ng mga pagpatay sa madugong giyera sa droga.
- Latest
