TNT, Ginebra luna sa Finals ang tirade
CEBU, Philippines — Ang TNT Tropang Giga ug Barangay Ginebra Kings parehong naglaraw nga moangkon og luna sa Finals sa dihang sangkaon nila ang tagsa-tagsa nila ka mga karibal sa Game 5 sa best-of-seven PBA Commissioner's Cup semifinals series karong adlawa (Biyernes, Marso 7) didto sa Smart Araneta Coliseum sa Quezon City.
Ang TNT nanoktok na karon sa pultahan sa kampiyonato human gipahagba ang Rain or Shine Elasto Painters, 93-85, sa Game 4 niadtong Miyerkules sa gabii didto sa Big Dome.
Uban ang 3-1 nga bentaha sa serye, ang Tropang Giga nanginahanglan og usa na lang ka daog aron moabante sa kinatumyang bantawan ning komperensiya.
Makab-ot kini ni coach Chot Reyes ug sa iyang mga batos kon ilang usban og parot ang E-Painters sa alas-5 sa hapon nilang engkwentro.
Sa main game nga gikatakda sa alas 7:30 sa gabii, ang Ginebra mosuway na sab pagpatikangkang sa NortPorth Batang Pier sa hingpit.
Nabaraw ang tinguha sa Ginebra nga maka-sweep humana ng Kings gitumba sa Batang Pier, 108-103, sa miaging duha ka gabii.
Dili hinoon kini angayan nga ika-alarma sa Kings gumikan kay nagkupot pa gihapon sila og dakong 3-1 nga labaw sa serye.
- Latest
