LeBron di kaduwa sud sa duha ka semana
CEBU, Philippines — Si Los Angeles Lakers superstar LeBron James dili makaduwa sud sa usa ngadto sa duha ka semana tungod kay dunay gihambin nga angol dapit sa iyang bugan.
Ang NBA all-time leading scorer mibiya sa katapusang kuwarter atol sa miagi nilang kapildihan batok sa Boston Celtics niadtong Dominggo.
Sigun sa taho sa ESPN nga si James maghuwat usa nga mohupay ang iyang injury sa dili pa siya mohukom nga moduwa og balik.
Mintras tanto, ang Lakers moduwa nga wala si James ug gikanahanglan nga magmatngon sa panglawas sa ilang alas ilabi na kay ikaduha sila karon sa Western Conference.
Wala ra hinoon mabalaka sa James kay kini sama ka seryoso ang groin injury nga iyang nahiaguman niadtong 2018-19 season diin siya nakapalta og 17 ka duwa.
Si James, nga bag-ohay pang mihimo og kasaysayan isip labing unang NBA player nga nakaabot og 50,000 puntos sa iyang karera, mi-average og 25 puntos, 8.5 assists ug 8.2 rebounds ning season.
- Latest
