134 ka wanted nangadakpan

CEBU, Philippines — Malampuson nga nadakpan sa Police Regional Office(PRO)-7 ang 16 ka most wanted persons ug 118 ka other wanted individuals sa ilang mas gihingusgan nga manhunt operation sa tibuok Central Visayas.

Pinaagi sa istriktong implementasyon sa warrants of arrest ang PRO-7 nakapahigayon og simultaneous police operations niadtong Marso 17 hantod sa 19, 2025 diin ang target kadtong mga indibidwal nga wanted sa kasong murder, rape, robbery, illegal drugs ug uban pang krimen.

Kabahin kini sa nagpadayon nga kampanya sa rehiyon aron masiguro nga ang mga kriminal mataral sa hukmanan ug magpabiling luwas ang komunidad sa hulga sa mga pinangita sa balaod.

Si Police Brigadier General Redrico Maranan, Regional Director sa Police Regional Office-7 nagkanayon nga ang maong mga operasyon nagpakita matod pa sa wala'y paglugak nga tinguha sa kapulisan nga masiguro nga wala'y mga kriminal ang makaeskapo sa tulubagon.

"This achievement highlights our firm resolve to track down fugitives and deliver justice. Every arrest brings us closer to making our communities safer. We will continue to exhaust all efforts to locate and apprehend those who attempt to evade the law," matud ni Maranan.

Ang mga nadakpan naa na karon sa kustodiya sa kapulisan ug mag-atubang legal proceedings. — /IBM (BANAT NEWS)