11-anyos naangol human nakuryentihan
CEBU, Philippines — Mohimo og dugang imbestigasyon ang kapolisan sa Lapu-Lapu City Police Offce (LCPO) sa nahitabo sa usa ka 11-anyos nga batang lalaki nga giingon nakuryentihan diha sa Sitio Matumbo sa Barangay Pusok sa Siyudad sa Lapu-Lapu alas- 3 pasado sa miaging Huwebes sa hapon. Si Police Lieutenant Colonel Christian Torres, pangulo sa City Investigation Detection and Management Unit (CIDMU) miingon nga nakadawat sila og pahibalo sa ilang buhatan labot sa maong hitabo.
Matud pa ni Torres gidala na sa Lapu-Lapu City District Hospital ang bata sa dihang niabot ang mga polis sa nahitaboan.
Giklaro hinuon sa mga doktor nga unang nagtambal sa biktima nga luwas na kini sa kakuyaw apan gibalhin lamang kini ngadto sa VSMMC sa Siyudad sa Sugbo alang sa dugang pa nga pagpatambal sa mga paso nga iyang naangkon. IBM BANAT NEWS
- Latest