Drug surrenderer sikop sa buy-bust sa Dumaguete
CEBU, Philippines — Nadakpan sa mga operatiba sa PDEA Negros Oriental Provincial Office uban ang 705th Manuever Company sa Regional Mobile Force Battalion-7 ang usa ka drug surrenderer atol sa ilang buy-bust operation sa Barangay Tacloban, sa Dumaguete, Negros Oriental.
Ang dinakpan giila nga si Mark Erwin Singco, 44 anyos, wala'y trabaho, ug residente sa Barangay Okiot, sa Bais City, Negros Oriental.
Nasakmit sa kapolisan ang usa ka putos sa gituohang shabu nga nagkantidad og P34,000 buy-bust money, cellphone ug non-drug evidence.
Nahibaw-an nga maka dispose og 50 grams sa gituohang drugas kada semana ang suspek.
Ang area of operation niini mao ang Bais City, Dumaguete City ug mga silingang lugar.
Samtang ang PDEA Siquijor Provincial Office, Lazi Municipal Police Station pinaagi sa aktibong suporta ug monitoring sa Municipal ug Barangay Anti-Drug Abuse Councils malampuson nga nakahimo og buy-bust sa Barangay Po-o, Lazi, Siquijor. Ang nasikop nga suspek giila nga si Gaudencio Jumawan Jr., 45 anyos, residente sa Barangay Campalanas, Lazi, Siquijor ug bag-ong identified drug personality.
Nakuhaan kini og 1 gram nga shabu nga nagkantidad og P6, 800, buy-bust money, cellular phone ug ubang non-drug items.
Tuko ka semana nga gipaubos sa monitoring ang dinakpan ug nahibaw-an nga maka dispose kini og duha ngadto sa tulo ka gramos kada semana. (BANAT NEWS)
- Latest
