Suspetsadong sakop sa

CEBU, Philippines — Sinaloa drug cartel sikop sa BINasikop sa mga operatiba sa Bureau of Immigration (BI) sa Sugbo ang usa ka Australian national nga suspetsadong drug trafficker ug giingong sakop sa Mexican Sinaloa drug cartel.

Si BI Commissioner Norman Tansingco nagkanayon nga nasikop sa Fugitive Search Unit (FSU) sa bureau si Gregor Johan Haas, 46-anyos niadtong Mayo 15, 2024.

Gikataho nga si Haas adunay standing red notice gikan sa Interpol kabahin sa kasong kriminal nga gipasaka batok kaniya ngadto sa Indonesia.

Gihulagywa ni Tansingco nga ang pagkasikop ni Haas usa sa dakong accomplishment sa bureau sa padayong kampaniya paggukod sa mga wanted foreign criminals dinhi sa nasud.  Gihulagway usab ni Tansingco nga ang suspetsado usa ka high-profile fugitive nga giingong miyembro sa Sinaloa cartel, usa ka dakong international organized crime syndicate nga nagbase sa Culiacan, Sinaloa, Mexico nga nag-specializes sa drug trafficking ug money laundering nga kalihokan.

Si Haas ang nadetiner karon sa BI warden facility sa Camp Bagong Diwa, Taguig City samtang naghuwat sa iyang deportation.

Niadtong Enero 29, 2024, ang Indonesia’s Narcotics Board nipasaka og drug smuggling case batok kang Haas ug niisyu og warrant of arrest batok usab sa suspetsado.

Gikataho nga ang mga otoridad sa Indonesian nipasangil kang Haas nga  maoy nagpaluyo sa pagsuway og palusot sa lima ka kilong illegal methamphetamine drug substance nga gitago sa shipment sa floor ceramics sa ilang nasud niadtong Disyembre 11, 2023.

Ang maong drugas nasakmit kini sa mga otoridad sa Indonesia ug nasayran pinaagi sa mga testimoniya sa mga nasikop nga drug courier nga ang packages gipadala ni Haas gikan sa Guadalajara, Mexico. — /BDB (BANAT NEWS)