P18.6 milyong drugas sakmit sa usa ka semana nga operasyon
CEBU, Philippines — Niabot sa 657 ka mga tawo ang nadakpan sa kapolisan sa Police Regional Office atol sa ilang gipahigayong operasyon batok sa tanang matang sa krimen gikan sa Abril 28 hangtud na sa Mayo 4, 2024.
Matud ni Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthony Aberin lain-laing klase sa krimen ang nahimo sa maong mga dinakpan.
Sama sa 146 ka indibidwal nga nadakpan gumikan sa kalambigitan sa illegal nga drugas ug nakasakmit ang kapolisan og P18.6 million nga balor sa illegal nga drugas.
Nasikop usab ang 323 ka tawo nga nasakpan nga nagsugal.
Sa ilang kampanya batok loose firearms nakasikop ang kapolisan og 15 ka tawo ug 113 ka loose firearms ang na recover.
"Kung makahinumdom mo relentless ang atong pag invite sa nagtenir og firearms nga ilang i-renew ang ilang firearms pero katong mga wala ka renew ang buhaton sa police hangyuon nga i-deposit usa while they are processing their licenses for renewal mao ni daghan atong na recover nga firearms 113", sigon ni Lt. Col. Gerard Ace Pelare.
Samtang 16 ka most wanted persons ug 127 ka other wanted persons ang nadakpan sa kapolisan. (BANAT NEWS)
- Latest
