Senior citizen sa Mandaue nakadawat og ayuda
CEBU, Philippines — Nakadawat na niadtong Miyerkules Abril 24, 2024 sa unang hugna nga pagpanghatag sa cash assistance sa kagamhanan sa Siyudad sa Mandaue ang 1,013 ka senior citizen sa Barangay Opao.
Ang pagpanghatag sa ayuda gipahigayon diha sa Mandaue City Cultural and Sports Complex sa Barangay Centro.
Si Mayor Jonas Cortes nipahibawo nga sugod sa Disyembre niining tuiga tag P5,000 na ang financial assistance nga madawat sa mga senior citizen.
Si Cortes ug Bise Mayor Glenn Bercede uban sa mga sakop sa konseho maoy nitunol sa financial assistance atol sa gihimo nga ceremonial distribution.
Nunot niini, ang mga sakop sa medical group nagtanyag usab kini og libreng serbisyo sama sa medical ug dental check-up ug ang uban nagpahimulos usab sa libre nga pagpatupi. (BANAT NEWS)
- Latest