Unom ka reclamation projects giaprubahan

CEBU, Philippines — Giaprubahan sa Cebu Provincial Reclamation Authority (CPRA) ang unom ka mga dagkong reclamation projects sa nagkadaiyang lungsod ug siyudad sa Probinsya sa Sugbo.

Apil sa maong proyekto ang Waterfront Urban Reclamation and Development Project sa Dakbayan sa Toledo nga 118,579 square-meter nga propiyedad sa dakbayan.

Anha tukoron ang  sports stadium, yacht club, commercial centers, usa ka BPO Complex, ug extensive hospitality ug  education facilities.

Ang lungsod sab sa Balamban adunay tulo ka lugar nga ipaubos sa reclamation kon diin moabot sab sa 84,457 metro kwadrado ang sumatotal sa propedad nga ugmaron.

Apil sa itukod nga estraktura mao ang pantalan, dome, civic center, evacuation center ug uban pa.

Sa Compostela, lima ka ektarya nga luna sab ang i-reclaim o palamboon sa Barangay Poblacion alang sa merkado ug coastal protection.

Sa lungsod aa Carmen ipadayon pud ang pag reclaim sa 5.77 ka ektarya nga luna alang sa merkado ug pasilidad sa transportasyon niini.

Ang sa lungsod sa Dumanjug, ang Tangil Reclamation Project maoy tutokan sa LGU alang sa  income-generating facilities niini sama sa mg commercial stalls.

Napulo ka ektarya nga luna pud ang i-reclaim aron madugangan ang imprastraktura sa gobyerno ug sa komersyal.

Ang mga mayor sa maong mga lungsod maoy nipresentar sa maong mga reclamation projects ngadto sa CPRA .(CEBU NEWS)