Restoration sa train station sa Carcar gastohan sa Kapitolyo
CEBU, Philippines — Gahinan og pundo sa Probinsiya sa Sugbo ang restorasyon ug relokasyon sa karaan nga railway station sa Perrelos sa dakbayan sa Carcar. Sumala sa Kapitolyo nga aron nga mapreserbar ang makasaysayon nga estruktura, ang karaan nga railway station nga ireplicate ug ibalik ang ibalhin duol sa Tourist Rest Area (TRA) o duol sa Carcar City Hall.
Si gobernador Gwendolyn Garcia nagkanayon nga mahimo kining dugang atraksyon sa Carcar kon kini mabalhin duol sa TRA.
Ang planong relokasyon tungod sa himoong pagpalapad sa dalan nga himoon sa Department of Public Works and Highways (DPWH) sa national highway.
Ang Capitol heritage consultant nga si Dr. Jose Bersales nagkanayon nga ang Perrelos train station maoy usa sa duha ka estasyon nga tibuok pa ug usa ka fourth-class railway station sa Philippine Railway Company. Ang desisyon sa Kapitolyo nga maoy mogasto sa himoong restoration sa maong railway station nahimo atol sa tigom sa gobernador uban ni Carcar City Mayor Patrick Barcenas, mga opisyal sa DPWH Cebu District 1st Engineering Office, ug mga pribadong indibidwal nga tag-iya sa luna. Atol sa maong tigom, ang mga stakeholders nagkauyon sab pagpreserbar sa 100 years old nga balay nga gipanag-iya sa Libor Family sa City of Naga nga maapektohan usab sa road widening project sa DPWH. MEL BANAT NEWS
- Latest
