Reefs sa Alcoy apektado sa operasyon sa PMSC

CEBU, Philippines — Ang Probinsiya sa Subo mopahigayon og joint inspection ngadto sa Barangay Pulago, Lungsod sa Alcoy diha sa lugar diha gihimo ang operasyon sa Philippine Mining Service Corporation (PMSC).

Kuyog    sa opisyales sa probinsiya ang mga opisyal sa nagkadaiyang ahensiya sa gobiyerno sama sa Department of Environment and Natural Resources (DENR)- 7, Environment and Management Bureau (EMB)- 7, Philippine Coast Guard (PCG)- 7, Cebu Provincial Police Office (CPPO) ug ang Provincial Environment and Natural Resources Office (PENRO).

Si Go      bernador Gwendolyn Garcia nakigtagbo kang Paquito Melicor, Jr., executive director sa DENR-7 ug EMB-7 Director Ma. Victoria Abrera niadtong Abril 11, 2024 diin gipakita sa gobernador ang giingong dakong kadaot sa reefs sa Lungsod sa Alcoy tungod sa kalihokan sa PMSC sulod sa pipila ka tuig.

Atol sa tigom gipakita ni Garcia ang mga video sa sitwasyon karon sa maong dapit nga gihulagway usab gikan sa natural habitat niini.

Matud ni Garcia ang kalihokan sa maong dapit nakamugna og polusyon gikan sa pagkubkob ug hakot sa mga dolomite ug ubang quarry resources nga gihimo sa planta sa PMSC ngadto sa mga barko sa duol nga pantalan.  Ang grupo sa mousse mokuha og sample sa tubig sa maong dapit aron masuta ang aksiyon nga angayang himuon.

Niadtong tuig 2020 adunay gipahigayong inspection sa lugar diin gipahunong ang operasyon sa maong kompaniya human nasuta nga grabeng kahugaw diha sa lugar.

Si Garcia niluwat usab og mga kamandoan sa temporaryong pagpahunong sa operasyon sa PMSC gikan sa pagproseso, pagbaligya ug transport sa mga dolomite tungod sa mga kalapasan nga nahimo sa kompaniya hilabina sa pagbayad sa buhis ug environmental laws apan matud sa Kapitolyo nga hangtud karon wala pay gihimo ang kompaniya. BDB BANAT NEWS