Motor vessel salpok sa motor tanker
MANILA, Philippines — Inihayag ng Philippine Coast Guard (PCG) na nabangga ang isang motor vessel sa isang motor tanker sa dagat na sakop ng Mabini, Batangas nitong Abril 22.
Sinabi ng PCG sa isang pahayag na nangyari ang insidente nang bumangga ang M/V Everwin 11 sa kaliwang likurang bahagi ng MT Oak Express na nakadaong sa Landoor Pier.
Ayon pa sa PCG na sinabi ng M/V Everwin 11, malakas ang agos ng dagat at hangin. Naging dahilan ito upang makaladkad at sumalpok ang nagmamaniobra na sasakyang de-motor sa MT Oak Express.
Bumaliko rin ang stanchion post, railing at hatch cover arm ng motor vessel sa kaliwang bahagi nito habang ang motor tanker ay nagtamo ng mga dents, gasgas, at butas na port quarter plating.
Wala namang ulat na malaking pinsala o senyales ng oil spill mula sa mga sasakyang-dagat.
- Latest
