Barangay Manggahan, ospital prayoridad kalusugan ng mga residente
MANILA, Philippines — Upang mas matutukan ang kalusugan ng mga residente, nakipagkasundo ang isang barangay sa lungsod ng Pasig sa Pasig Doctors Medical Center kasabay ng pagdiriwang ng Araw ng Kalayaan nitong Miyerkules.
Sa pamamagitan ng memorandum of agreement (MOA) lumagda sina Brgy. Chairman Quin “Kin” Cruz ng Brgy. Manggahan at PDMC President Dr. Mayumi Gillan matapos na ideklarang “adoptive barangay” ng nasabing ospital.
Umaasa ang Brgy. Manggahan at ang PDMC na mas titibay ang kanilang partnership sa pagpapatupad ng mga programang tutugon sa pangangailangan ng mga Pasigueño pagdating sa usapin ng kalusugan.
Ayon kay Cruz na mahalaga ang papel ng PMDC sa paghahatid ng kanilang mga programang pangkalusugan
Dagdag pa ni Cruz, titingnan din nila kung paano makatutulong ang kanilang partnership sa pribadong ospital sa Manggahan Health Promotion and Education Office sa pangunguna ni Ms. Violy Oteyza at Kagawad Cedie Cruz.
Bukod sa MOA signing, nagsagawa rin ng medical mission ang PDMC, na kinabilangan ng eye consultation, cyst, general at internal medicine, at OB Gyne consultations sa mga Pasigueño.
- Latest
