Sam, nilinaw ang relasyon noon kay Alden!
After 12 years, nagbabalik-showbiz ang actress na si Sam Pinto, at na-interview siya ni Boy Abunda sa Fast Talk with Boy Abunda at doon nalinaw ni Boy ang balita noong 2011 na nagli-link kay Alden Richards si Sam at nakita silang nag-dinner date sa isang yacht. Pero totoo bang masyadong bata ang tingin niya noon kay Alden?
“May ipino-promote kaming movie noon ni Alden, kaya nakita kaming magkasama,” kuwento ni Sam, “Dalawang taon ang tanda ko kay Alden, masyado siyang bagets. But it was a nice date though. Pero after that hindi na kami nagkausap. Ever since he’s the sweetest naman.”
Napapanood ngayon si Sam sa top-rating GMA Afternoon Prime na Abot-Kamay Na Pangarap as a psychiatrist. Kasal si Sam sa basketball player na si Anthony Semerad at may anak silang babae.
Tirso, iba ang tingin sa pagso-showbiz ni Dingdong
Masayang ibinalita ng award-winning actor na si Tirso Cruz III ang kasiyahan niyang after almost 22 years, muli silang magkakasama sa isang project ni Kapuso Primetime King Dingdong Dantes. Una silang nagkasama ni Dingdong sa isang teleserye noong 2002, ang Sana Ay Ikaw Na Nga. Nasundan ito noong 2010 nang gawin nila ang Endless Love kasama si Marian Rivera.
Puring-puri ni Pip si Dingdong, “he’s a kindhearted man, he’s very professional and I can see he really loves his job. He’s not here just for the glory, for fame, no. He has his heart into the art itself, the craft of acting. Nandito siya for as long as he can deliver and give beautiful stories and characters to our viewers, he will try to give his 100 percent best.”
Nagsimula nang mag-taping sina Tirso at Dingdong ng mystery-action series na Royal Blood pero nauna silang nakitang magkasama sa Family Feud nang mag-guest sina Pip at ang Cruz family last Tuesday, May 23.
Meanwhile, magkakaroon ng season break ang Family Feud sa mid-June at muling babalik sa September, dahil kasabay na magti-taping si Dingdong ng Royal Blood at ang upcoming musical competition na siya ang magho-host.
- Latest
