Snatcher dedo, 2 pulis sugatan sa shootout

MANILA, Philippines — Isang hindi pa kilalang lalaki na umano’y snatcher ang nasawi nang makaengkwentro ang mga rumespondeng pulis na nasugatan, naganap kahapon sa Las Piñas City.

Kinilala ang dalawang tauhan ng Tactical Motorcycle Riding Unit (TMRU) ng Las Piñas City Police Station na kinilalang sina P/Master Sgt. Panton at P/Staff Sgt. Anipan.

Sa sketchy report, alas-12:45 ng hapon nang maganap ang insidente sa panulukan ng Marquez at Analiza Sts., Gatcha­lian Subdivision, Brgy. Manuyo Dos, Las Piñas City.

Nabatid na sa pag­responde ng mga tauhan ng TMRU sa pangungu­na ni P/Lt.Jesus De Leon sa nagaganap na robbery snatching ay nakipagbarilan umano ang suspek na naging dahilan ng kaniyang kamatayan.