Hinabang gikan sa Palasyo

Maayo kon mag-pirme ni. Kay usahay mahitaligam-an ang Sugbo kon hinabang gikan national government allocation ang hisgutan. Karong bag-o, gitunol ni Executive Secretary Ralph Recto ang P265 million aid gikan sa Palasyo ngadto kang Cebu Governor Pam Baricuatro.

Matud ni Baricuatro, ang maong hinabang gamiton pagpa-implementar sa mga proyeko sama sa pagpahimsog (health), enerhiya, kadalanan gikan sa kaumahan padulong sa ka-merkadohan (farm-to-market roads), ug pagseguro nga pamakanunay ang pagkaon.

“We are so deeply grateful and happy for this. This is a big help for our people,” pasalamat ni Baricuatro, ngadto kanila ni Presidente Bongbong Marcos ug Secretary Recto.

Ato kining kutloon: “The P265-million Special Allotment Release Order (SARO), issued by the Department of Budget and Management (DBM), authorizes the provincial government to incur obligations and utilize the allocation for approved programs and projects.”

Ang pag-turnover, gihimo didto sa Cordova, diin si Recto nitambong sa mga kalihokan sa lungsod sama sa pag-distribute sa rice assistance ug pag-recognized sa mga presidential scholars. “Cebu is one of the most important provinces in the country. Malaki ang ambag nito sa national growth ng Pilipinas,” dugang ni Recto. 

Ubos sa Local Government Support Fund (LGSF), ang lalawgan sa Sugbo nag’g allocation of P20 million, consisting of P360 million alang sa Bagong Pilipinas Rice Program ug lain nga P360 million alang sa mga infrastructure projects.

Ang Dakbayan sa Sugbo nakadawat usab og P300 million, gibuak sa tag-P150 million alang sa Bagong Pilipinas Rice Program ug mga infrastructure projects.

Samtang sa laing bahin, si Recto nagpahibawo nga i-extend ngadto sa tanang barangay nationwide ang Bagong Pilipinas Presidential Scholars, diin ang matag barangay makapili og lima ka scholars. 

Matud ni Recto, ang maong programa, gi-design alang niadtong mga estudyante nga guma-graduar, apan naabtan sa kalisud sa panahon, ug sa kalisud-pinansiyal.

Ubos sa programa, ang matag scholar makadawat og P20,000 in educational assistance, samtang ang barangay allocation nga P200,000 under the initiative.

Pagkakaron, sa mga 42,000 ka barangay sa tibuok nasud, mga katunga lamang niini ang nakapili na og mga scholars, kasagaran kadtong hapit na mo-graduate.

Kon magmalampuson ang mga programa, mahimo na kini nga regular nga programa sa gobiyerno, meaning lagmit ma-institutionalized na. Nindot.

Ang maong proposed program nasulod na sa National Expenditure Program alang sa sunod tuig.

Sa atong siyudad, ang Kalunasan, usa sa mga barangay nga nakapili na og scholar, pinaagi sa higpit nga pag-process aron maoy mapilian ang most deserving, matud ni Kapitan Carlos Ceniza, Liga ng mga Barangay Cebu City representative.

Apil sa napilian gikan sa 35 mil nga molupyo sa Kalunasan, mao ang mga anak sa mga mag-uuma, ug usa ka anak sa single parent. Meanwhile duna sad diay Local Scholarship Program ang Cebu City, nga ang mga certificates niini, gi-distribute sa niaging August 14, sumala pa. 

Commitment of support kini sa dakbayan ngadto sa mga estudaynte sa nagkalainlaing kolehiyo sa dakbayan, nga mo-qualify ubos sa local scholarship guideline, nagkanayon si Mayor Nestor Archival.

Okay kaayo ni, at least kaminosan, o likayan sa hingpit ang mga college dropouts gumikan sa kalisud, labina karong panahona gumkan sa Middle East crisis.