Sa unsa man diay to nga "show of force?"

Purely religious kono kadtong gihimo sa Iglesia ni Cristo. Nindot kun mao. Ug purely coincidence lang gyud nga nagkadungan sa nagpadayon nga impeachment trial batok ni Chief Justice Corona, kang kinsang main defense counsel, dakug ranggo sa ilang simbahan.

Sa laktud, walay relasyon ang ilang pagpakita sa “show of force” ug sa kang Corona nga impeachment trial. Lagmit, ila lang gyung gipakitaan sa “show of force” ang Ginoo, ug ang reelectionist nga mga Senator-Judges.

Hinaut nga ang ilang pagpakita sa “show of force,” makapatigbabaw sa kamatuoran ug dili ang pagpalig-on sa mga technicalities.

* * *

Sa iyang kolum sa Inquirer, si Jose C. Sison miisip niining panagbangi karon sa Presidente sa nasud ug sa labaw sa Korte Suprema, nga usa ka “unprecedented and bold moves” on the part of the President.

In the long run, matud niya, “this bold move” ni Noynoy, “may work for the good of the country. Who knows it may trigger the needed transformation that our country and people have been longing for.

“What we are undergoing now may really be considered as part of the pains of transformation. Maybe this is what we truly need in order to achieve genuine reforms in our government.” 

Tinuod, dugay na kaayo tang hisgut og transformation, gani sa panahon pa ni Marcos. Mao bitaw nga napugos siya pag-declare og martial law, kaylagi gusto siyang mag-reform. Matag eleksyon, magbuwabuwa ang atong baba pagpangisog ug pagpangusog sa panginahanglan sa reforms. Apan, tapus sa eleksyon, padayon ang corruption. Happy days are here again!

Karon, buot ni Noynoy nga himoon ang honest-to-goodness nga transformation. Dili kini madali, tungod kay ang corruption maayo nang pagkadikit sa atong dughan, ug nahimo na gani, kono kini nga atong kultura, gitawag og culture of corruption.

Of course, adunay masakitan, adunay gukdon. Ug maoy atong panghinaut nga walay manalipod sa masakitan ug sa mga gigukod … aron mogimaw gayud ang kamatuoran ug ma-achieve ang gikinahanglang transformation. Kanus-a man diay ta magsugod?

Sa giingon ni Sison, kining nanghitabo karon sa atong nasud, is “part of the pains of transformation. It has not been tried before especially by the head of State himself who seemed as determined in achieving the reforms in government as he promised during the campaign.”

Busa, atong pakitaan si Noynoy sa show of force, pagpakita nga ang matarong nga citizenry nagpaluyo kaniya niining mga paningkamot pag-achieve sa transformation.