Sugalan sa Lagtang

“Reklamo lang ko niining balay-sugalan dinhi sa brgy. Lagtang, Talisay City. Wala man gyud ni aksiyoni! Naay hantakan, baraha, sabong ug pool. Aksiyoni  ni, Kap.” -- 0905-7588123

Maayo unta nga ma-counter check ni sa mga brgy. opisyal sa Lagtang. Labing maayo nga palihokon nila ang ilang mga tanod.

Kun mangutana ang mga brgy. opisyal bahin sa espisipikong lokasyon ning maong balay-sugalan, kontaka ninyo ang atong texter.

* * *

Ang naggamit sa cell. no.  0906-5419892 mi-text nga nag-ingon: “Unsaon man pagsulbad sa video karera sa Talisay nga lig-on man og backer. Usa ka konsehal ang nagpaluyo ini. Halos tanang tawo sa Talisay nakahibalo ining kabuang ni Konsehal. Walay nakabadlong niya.” -- (Sent:11:32:39am-- May 25, 2008)

* * *

Gihatag sa atong texter ang ngalan sa konsehal pero gipugngan lang una nato in fairness ngadto kaniya. Ang ako lang ikasulti mao nga posibleng nakalapas ang maong konsehal sa R.A. 6713.

Imbestigahi!

* * *

“Good PM. Sa merkado sa Lapulapu City naay mga kawatan nga mangawat og isda kun mingaw na ang gabii. Naa man na sila sa 2nd floor. Luoy kaayo ang mga tag-iya og isda. Ambot asa ang security guard, nganong dili man madakpan ang mga kawatan? Dugay na kaayo ning problemaha. Walay nakasumbong ini sa mga polis kay mga killer daw nang mga kawatan. Drigo ang ngalan sa leader sa mga kawatan ug utok sa kalihokan sa shabu. Ang modus niya pagpaninda kunohay og itlog pero siya’y utok sa payuhot sa shabu ug pangawat sa merkado. Taga Cogon, Cordova ni sila. Hinaot unta matawagan ang atensiyon sa mga police sa Lapulapu.” -- 0929-6877855 (Sent:05:12:26pm--May 25, 2008)

* * *

“Angay hugtan ang pagbantay sa merkado sa Lapulapu aron dili makahigayon pag-atake ang mga kawatan. May guwardiya man kaha nang merkadoha, nganong malutsan man sa mga kawatan?

Mas maayo sab nga subayon ni sa kapolisan sa Opon. Kining ginganlan og Drigo, angay ning i-counter check kun unsa ka tinuod nga siya’y nagpasiugda sa pangawat ug payuhot og drugas diha sa Lapulapu. Aksiyon!

(Sumbong ug reklamo? Text sa 0910-8105522)