Bugas
Makadaghan na kita maghisgot sa modus operandi sa mga negosyanteg bugas nga ang NFA rice ibaligya sa mahal nga presyo sibo sa presyo sa commercial rice. Usa sa atong magbabasa may lahi sab nga kasayoran kalabot sa modus sa bugas. Aron inyong masabtan, akong ipatik ang katibuk-an sa iyang text message.
“Good day, Sir. Mopaambit lang ko og kasayoran diha nimo kabahin niining gitawag og ganador nga bugas. Pastilan, mao diay nga sa pagkakaron lain na ang lami sa gitawag og ganador nga bugas, dili na pareho sa una nga lami. Mao diay nga daghan ang moingon nga fake ang baligya nga ganador sa mga tindahan kay kining bugasa mga NFA nga first class diay ni. Galingon diay ni og usab human ayagon. Lainon ang pino dayon butangan og pahumot nga pandan unya isulod og sako nga ganador ang tatak. Daghan gyud ang nailad niini sa mga merkado ug mga tindahan pero walay labot ang mga naninda niini. Ang mga tag-iya sa rice mill ang dako og kita niini kay ang NFA himuon nila nga ganador. Kahibalo ko kun unsang mga rice mill ang nagbuhat niini. Na-unsa na man intawon ta, uy. Abi nakog CD ra ang pirated, hasta diay mga bugas.” -- 0910-5021866 (Sent:
Kun tinuod man kining kasayoran nga gihatod sa atong texter, seguradong duna gyuy dagkong mga negosyante nga nalambigit niining maong modus operandi. Posible gani nga dunay kawani sa NFA nga kunsabo sa maong modus. Nagtuo ko nga angay mohimog pakisusi ang kadagkoan sa NFA mahitungod niini.
* * *
“Maayong adlaw kanimo, Sir. Mangutana unta ko kun kinsay atong sumbongan niining mga guwardiya nga walay lisensiya. Naa pa gyud sa mga bangko nag-duty. Init ra ba kaayog ulo. Puyde ba diay nga maghupot og armas nga walay lisensiya ang security guard? Kakuyaw aning magdalag armas unya walay training, wala makahibalo sa balaod.” -- 0920-2067093 (Sent:
Sutaa una kun unsang security agency nahisakop ang maong mga guwardiya. Sayon ra kaayo kanang tukion. Mahimo sab nga i-refer nimo sa kapolisan ang imong tuyo kun nakaseguro ka gyud nga walay lisensiya ang maong mga guwardiya.
* * *
(Sumbong ug reklamo? Text sa 0910-8105522).
- Latest
- Trending
