Suffering

Di ta angayan mahadlok o maguol niining mga pag-antus nga ato karong gipas-an ning kalibutan. Lumalabay lang kining tanan, temporaryo ra gyud. Ang balus niini, kana kon motuo kag kinabuhi tapus sa atong kamatayon, life after death, dili matukib ug dili ikatandi sa bisan unsang matang sa kalipay nga atong maangkon ning wa'ay hinugdan nga kalibutan.

Si Bro. Nic R. sa Minglanilla, mi-text kanato: Suffering is part of every Christian's life. As Jesus had said, if you want to follow Me, pick up your cross! 09064678416.

Usahay ra ba, daghan kaayong crosses ang atong pas-anon. Ang uban gani nato, mahayan dayon ang Ginoo. Di na dayon makig-amigo sa Ginoo. Mangluod dayon. Pastilan, wa'a man gani mangluod ang Ginoo sa dihang gipapas-an ug gilansang siya sa cross, cross nga dili unta Iyaha! Ikaw na hinoon? Nakalimot ka nga tungod sa sala sa tawo, gibalhog ta ning kalibutan nga puno sa kaguliyang ug kasakitan?

Anyway, you don't have to follow Christ. You don't have to pick up any cross. Kana bitaw'ng uban, wa'a man lang magtagad ni Christ, hayahay man ang ilang pagkabutang. Waay suffering. Follow them, ug angkona ang tanang kalipay ning kalibutan.

Earlier mi-text usab kanato si Bro. Nic bahin sa iya usang hunahuna nga di gyud molampos si Dan Brown pagbungkag sa Simbahan nga gitukod ni Jesus. Bida sa's Dan uy, unsa may pagtuo niya sa iyang kaugalingon nga usbon man niya ang tanan natong gituohan sulod na sa kapin sa duha ka libo ka tuig.

Gikan sa Bohol, dunay nangutana kon ni-exist ba kining MACRO ABOITIZ FOUNDATION. Ug kining gitawag nga Cebu Micro Enterprises Development Foundation, Inc. - Project Mauswagon. 09108755483. Tabangi kog inquire bahin niini. Kon duna moy nasayran bahin niini, please let me know.

Samtang sa laing bahin, nalipay ta nga gi-ayo na ang dalan sa Osmeña Blvd. At least ang portion niini. Maayo kay nakahunahuna sila pag-overlay niini, tungod kay kadtong tapak-tapak lang, nakadugang sa problema. Magsige lang tang untol-untol, unya, inig-uwan, maukang lang pod dayon. Usik-usik lang sa kwarta nga di ila.

Apan, on the whole, morag wa'a pay lami ang Cebu City. Hugaw, baho, labi nag makaagi kag kanal o estero. Ang Carbon ug ang Taboan mao lang gihapon. Ang mga skywalk samot ka hugaw, sidewalk vendor nagkadaghan, mga makililimos sige pang panghasi sa mga motorista ug pedestrian. Daghan pa tag buhatonon, Mayor! Komentaryo? Text 0916-6488650.