2 drug suspect timbog sa Quezon City
MANILA, Philippines — Arestado ang dalawang drug suspect sa isinagawang anti illegal drug operations ng Philippine National Police Drug Enforcement Group (PNP-DEG) Batasan Hills, Quezon City kamakalawa ng umaga.
Batay sa report na tinanggap ni PDEG Director Eleazar P. Matta, huli sa buy-bust sina alyas Aura, 48, lalaki at alyas JR, 31, lalaki na kapwa residente ng Kalinisan St., Batasan Hills, Quezon City.
Dakong alas-5 ng umaga nitong Linggo nang isinagawa ng PDEG, Batasan Hills Police Station 6 Philippine Drug Enforcement Agency, Regional Office National Capital Region (PDEA RO NCR) ang buy-bust sa Kalinisan St., Batasan Hills, Quezon City.
Nakuha sa mga suspek ang isang heat-sealed transparent plastic sachet at isang taped-sealed plastic sachet na parehong naglalaman ng white crystalline substance na pinaniniwalaang shabu at nagkakahalaga ng P342,040.00.
Tiniyak ni Matta na tuloy ang kanilang mga kampanya at operasyon laban sa mga iligal na droga.
Ani Matta hindi lamang Metro Manila ang kanilang target na maging drug free kundi maging ang buong bansa.
- Latest
