Reward campaign vs Ping inilarga na
MANILA, Philippines - Pormal nang inilunsad ng Volunteers Against Crime and Corruption (VACC) ang P2 milyong reward campaign para sa agarang ikadarakip ni Sen. Panfilo Lacson na sinasabing utak sa Dacer-Corbito double murder case.
Ayon kay VACC Chair Dante Jimenez, ipakakalat nila ang mga donation box sa mga matataong lugar gaya ng mga shopping center para sa hakbanging ito
Apat na donation box ang inisyal na ginawa ng VACC para sa mga donors sa Luzon, Visayas, Mindanao, maging sa ibang bansa tulad ng Estados Unidos.
Bukod sa mga donation box, may bank account din ang VACC na maaring paglagyan ng deposito ng donasyon.
Sinabi pa ni Jimenez na maging ang pamilya Dacer na nakabase na sa US ay mag-i-initiate na rin ng reward campaign.
Ayon kay Jimenez, dahil sa walang balak ang DILG na maglaan ng pabuya kay Lacson, sa DOJ na lamang daw nila iti-turnover ang makakalap na pera.
Sa ngayon ay may P150,000 ng pledges ang natatanggap ng VACC.
- Latest
- Trending
