Meralco, may dagdag singil ngayong Nobyembre

MANILA, Philippines — Nakatakdang magpatupad ang Manila Electric Company (Meralco) ng mas mataas na singil sa kuryente ngayong buwan bunsod ng mas mataas na gene­ration costs.

Sa abiso ng Meralco, asahan na ang implementasyon ng P0.49 kada kilowatt hour (kWh) na dagdag sa kanilang electricity rate.

Anang Meralco, ang umento ay dulot ng mas mataas na generation charges na dulot ng pagmahal ng natural gas at paghina ng palitan ng piso kontra US dollar.

Nangangahulugan anila ang P98 dagdag sa total electricity bill para sa mga kostumer na nakakakonsumo ng 200 kWh kada buwan.