Papin, Paredes pasok sa Bangon slate

MANILA, Philippines - Dalawang kilalang personahe na kabilang sa magkakaibang partido pulitikal ang lumipat na sa Bangon Pilipinas party ni Bro. Eddie Villanueva na kumakandidatong presi­dente sa halalan sa Mayo.

Ito ang inihayag ka­ma­kalawa ni Bangon Pilipinas Secretary Ge­neral Ted Pascua na nag­sabi na kabilang na sa ka­nilang mga kandi­datong senador ang si­nger na si Imelda Papin na dating kasapi ng Kilusang Bagong Lipunan at Zosimo Jesus Paredes na dating konek­ tado sa Ang Kapatiran.

Nilinaw ni Pascua na, bagaman masayang tina­tanggap ng Bangon Pili­pinas sina Papin at Pa­redes, mataas pa rin ang paggalang nila sa ibang par­ti­dong kalahok sa eleksyon.

Ipinaliwanag naman ni Papin na lumipat siya sa Bangon Pilipinas dahil si Villanueva lang ang naki­kita niyang kandi­datong presidente na maaaring magpabago sa bansa.

“Ito na ang magpapa­bago sa atin, na mag­karoon ng mamumuno na may takot sa Diyos. Iyan po ang kailangan natin para ang bawat Pilipino po ay magkaroon ng tamang direksyon. Si Bro. Eddie po ang aking na­kikita, kagaya po ng nakikita ng napakaraming Filipinos, na siya lamang ang tanging presidential candidate na makaka­pagbigay ng tunay na pagbabago dito sa ating bansa,” sabi pa ni Papin.

Sinabi naman ni Pa­redes na sumama siya sa Bangon Pilipinas “sapag­kat sa aking paniniwala at matinding palagay, ito po ang partidong makaka­tulong sa pag-angat at pagbangon ng Pilipinas mula sa kasukdulang ki­naroroonan nya ngayon.”