Malabon, Navotas at Cavite namemeligro: Maraming isla sa Pinas mabubura sa mapa

MANILA, Philippines - Kinumpirma kaha­pon ng Philippine Atmos­ pheric and Geophysical Administration Services na unti-unti na ngayong nararam­daman sa ban­sa ang epekto ng Global War­ming o pagtaas ng tem­peratura ng Daig­dig.

Sa kanyang pag­dalo sa Balitaan sa Ti­napa­yan, sinabi ni Fris­co Nilo, hepe ng Weather Bureau ng PAGASA, na may mga lugar na nga­yon sa Pilipinas ang apektado na ng Global Warming tulad ng Mala­bon, Na­votas, Cavite, ilang ba­hagi sa Visayas at Min­danao. Ang global war­ming o pagtaas ng tem­peratura ng tubig-dagat ay sanhi ng mga naipon na green gases sa himpapawirin ng Mundo.

“Base sa mga im­pormasyong ipinaabot ng mga mismong tao sa lugar, malaki na ang na­sasakop ng tubig-dagat kapag high tide, indikas­yon na mataas na ang temperatura nito at kung magpapa­tuloy ang pag­taas ng tempera­tura, malamang na tuluyan ng lumubog sa tubig ang lugar par­tikular na ang Malabon at Navotas.

Sinabi ni Nilo na ang Pilipinas ay may­roong 7,100 isla at ma­lamang na maraming isla ang tuluyan nang ma­wala sa mapa ng bansa dahil sa global warming.

Hinikayat din ni Nilo ang mamamayan na makiisa sa programa ng gobyerno at maging ng iba pang bansa sa mun­do para mabawasan ang mga greenhouse gases.

Sa katunayan ay inor­ganisa na nila ang Task Force on Climate Change dahil na rin sa direktiba ni Pangulong Gloria Macapagal-Arroyo na bigyan ng seryo­song pansin ang suli­ranin sa climate change.