Pinoys sa Europe apektado ng lay off

Nagbabala si Labor Secretary Marianito Ro­que ng posibilidad na mag­karoon ng lay off o pag­tatanggal sa trabaho sa hanay ng mga Overseas Filipino Workers (OFWs) sa Europa dahil sa patuloy na krisis pang-ekonomiya na nararana­san ng buong mundo..

Sa pagtaya ng kali­him, pinaka-maaapek­tuhan ng lay off ang mga Pinoy hotel worker sa nasabing bansa.

Ang hindi lamang uma­no maaapektuhan nito ay ang mga Pinoy household at health care workers na na­na­natili pa ring in-demand.

Sa kabila naman ng posi­ bilidad ng pagkaka­roon ng lay-off ay nagpa­hayag na umano kay Ro­que ang mga OFW sa Europe na wala silang pla­nong buma­lik ng Pili­pinas sa halip ay magha­hanap na lamang ng ibang traba­ho sa nasa­bing kon­tinente.

Dagdag pa ni Roque na sakali mang matuloy ang lay-off ay nakahanda ang Department of Labor and Employment (DOLE )para tulungan ang mga maa­apek­tuhang OFW.

Nakaalerto na rin aniya ang kanilang mga labor attache sa bawat emba­hada roon at patu­loy ang kani­lang monitoring.

Samantala, bukod sa mga OFW sa Europa posi­bleng magkaroon din ng lay-off sa mga Pinoy seafarers sa unang bu­wan ng susunod na taon base sa pagtataya ng International Migration Organization (IMO).

Inaasahan naman ng IMO na sa pagtatapos ng taong 2009 ay huhupa na ang problema sa deployment ng seafarers. (Gemma Garcia)