Nakainom at lasing na pasahero di dapat pasakayin sa PUVs — SC

Posibleng maipagba­wal na rin ang pagsakay sa mga pampublikong sasakyan ng mga naka­inom o lasing na pasa­hero.

Ito ay matapos na ire­komenda ng Supreme Court (SC) sa Malaca­ñang na ipag-utos ang pagpa­pa­sa ng batas na nagba­bawal sa lahat ng lasing na pasahero na suma­kay sa mga public vehicle.

Ang naturang reko­men­dasyon ay bunsod sa desisyon ng SC 3rd Division sa panulat ni Associate Justice Ruben Reyes kung saan pinag­tibay nito ang hatol na habambuhay na pagka­ka­kulong sa isang aku­sado sa murder na dahil sa sobrang kalasingan ay nakapatay ng kapwa pasahero sa dyip.

Base sa record ng korte noong Nob. 15, 1998, su­makay na lasing na lasing si Conrado Glino sa isang pampasa­herong jeep kung saan nakasa­kay din ang mag-asa­wang Virginia at Domi­ngo Boji.

Nagalit si Glino kay Boji nang pagsabihan siya nito na umayos ng pagkakaupo, dahil nasa­sandalan na nito ang kan­yang asawang si Virginia.

Dahilan dito kaya na­inis si Glino sa ginawang paninita sa kanya kaya bago ito bumaba ng dyip ay paulit-ulit nitong si­naksak si Domingo sa dibdib na kaagad ikina­sawi ng biktima.

Iginiit ni Justice Re­-yes na hindi sapat na ang pag­mamaneho lamang ng lasing ang ipagbawal kundi maging ang mga pasaherong nakainom ay hindi rin dapat paya­gang sumakay sa mga pampublikong sasakyan upang maiwasan nang maulit ang naturang in­sidente.

Malinaw umano na ang pasaherong lasing o nasa impluwensiya ng alak o droga ay may dalang panganib sa iba pang pasahero. (Gemma Amargo-Garcia)