Ople mamumuno sa delagasyon ng RP sa Iran

Pamumunuan ni Foreign Affairs Secretary Blas Ople ang delegasyon ng Pilipinas sa Third Phils.-Iran Joint Commission Meeting na gaganapin sa Tehran simula ngayong araw hanggang Enero 17.

Sa Tehran, makikipagkita si Ople kay Iranian President Mohammad Khatami, dating Pangulo Ayatollah Akbar Hashemi Rafsanjani, chairman ng State of Expediency Council, Foreign Minister Kamal Kharazzi at Speaker of the Iranian Majlis (National Assembly) Mehdi Karroubi.

Makikipagpulong din si Ople kay Commerce Minister Mohammad Shariatmadari at Oil Minister Namdar Zarganeh.

Isa sa mahalagang gagawin sa meeting ay ang paggawa ng Plan of Action upang isulong ang implementasyon ng umiiral na Phils.-Iran Memoranda of Understanding. (Ulat ni Ellen Fernando)