14 anyos gihubog, gilugos sa silingan

CEBU, Philippines — Nabalhog prisohan sa Inayawan Police Station 7 ang 25 anyos nga lalaking gipasanginlang milugos sa menor de edad nga silingan niini niadtong Martes sa gabie, Hulyo 9, didto sa Barangay Cogon, Pardo ning dakbayan sa Sugbo.

Ang suspetsado giila nga si alyas “Wilson”, 25 anyos, minyo, usa ka e-bike drayber samtang ang biktima 14 anyos nga iyang silingan.

Atol sa imbestigasyon sa kapulisan sa Inayawan Police Station, ang ginikanan sa biktima midangop kanila ug misumbong bahin sa krimen.

Matud pa pasado alas dos sa kaadlawon nakauli sa ila ang iyang anak nga gihatud sa suspek nga kaila ra pud sa ilang pamilya.

Nasayran nga gikuyog diay sa suspek biktima sakay sa iyahang motorsiklo aron magkuha og kwarta apan gidala kini sa us aka food park sa Bulacao ug didto nag-inom ug nag-karaoke.  Sa dihang nangahubog ang duha, gikatahong gidala sa suspek ang biktima sa usa ka lodging house ug didto kini gilugos.

Pagabot sa ila, nitug-an ang biktima sa gibuhat sa suspek. Ang suspek gitabangan og kulata sa mga silingan ug gidala sa police station. — Irish L. Laborte (BANAT NEWS)