Probinsiya sa Sugbo ug Phuket mogama og sisterhood agreement

CEBU, Philippines — Ang Probinsiya sa Sugbo ug ang Probinsya sa Phuket sa Thailand nagplano nga mohimo og kasabotan o sisterhood agreement alang sa pagbinayloay og ideya ug tinguha sa edukasyon, turismo ug ekonomiya.

Si Thai Ambassador sa Pilipinas Tull Traisorat mopahibalo sa Probinsiya sa Phuket kalabot sa ilang nahisgotan ni Gobernador Gwendolyn Garcia kalabot sa maong kasabotan nga giingong ang duha ka probinsiya parehong makabenipisyo.

si Traisorat nibisita kang Garcia sa Kapitolyo niadtong Agosto 1, 2024.

Apil sa plano nga kasabotan mao ang sa edukasyon diin ang mga tinun-an sa Thailand mamahimong maka-enroll sa English proficiency program sa Sugbo.

Samtang sa turismo, gilaoman ang paglusad og direktang flight gikan ug padulong sa Phuket ug Sugbop pinaagi sa Mactan Cebu International Airport (MCIA) ug gilaoman usab nga pinaagi niin modaghan ang mga turista nga gikan sa Thailand nga mosuroy sa nagkadaiyang tourist destination sa Lalawigan sa Sugbo.

Ang Phuket maoy pinakadako nga lalawigan sa Thailand nga nahimutang sa habagatang bahin sa nasud.

Giila kini nga suroyanan sa mga turista tungod sa mga nindot nga beach o baybayon. (BDB) BANAT NEWS