Polis may suspek na sa gisunog nga mga tawo

CEBU, Philippines - Miangkon si Supt. Renato Malazarte, ang Deputy Provincial Director for Operation sa Cebu Provincial Police Office  nga may mga suspect na ang kapolisan sa kamatayon sa duha ka tawo nga gisunog sa dakbayan sa Danao.

 Matud ni Malazarte nga imposible nga usa lang ka tawo ang nibuhat sa maong krimin labi na nga duha ka tawo ang biktima.

Matud ni Malazarte nga ang maong mga tawo nga ilang gipanid-an wala pa makagawas sa nasud apan gihulat pa nila ang resulta sa DNA test nga gihimo sa Crime Laboratory.

Gipadala na sa Special Investigation Task Force ang mga sample sa DNA ngadto sa Korea aron sa paghimo sa cross-matching nga himoon sa mga biktima ug sa mga posibling mga pamilya niini sa Korea.

 Apan matud pa ni Malazarte nga bisan wala pa ang resulta sa maong eksaminasyon wala gihapon mohunong ang kapolisan sa imbistigasyon nga gihimo niini.

Matud pa nga ang mga biktima suod nga mga higala ug nagdungan kini og abot sa Sugbo ug duna nay mga ngalan ang kapolisan sa mga biktima lakip na sa Korean ug English nga ngalan sa duha. (BANAT NEWS)