Pagtukod og extension campus sa CNU gastohan sa Kapitolyo

CEBU, Philippines — Ang pagtukod sa gi-propose nga three-storey building sa Cebu Normal University sa nagkadaiyang lungsod sa Probinsya sa Sugbo, ang hapit na mahimong katumanan.

Ang maong mga school building alang kini sa extension campus sa CNU sa lungsod sa Alegria, Argao ug sa Catmon.

Ang sa Argao ug Alegria ang bidding na, samtang ang sa Catmon maoy gitakda nga i-bidding sunod semana. Atol sa tigom ni gobernador Gwendolyn Garcia uban ang mga opisyal sa CNU gipangulohan sa presidente niini nga si Dr. Daniel Ariaso, Sr., gipresentar sa mga opisyal ang perspective sa maong school building sa CNU Catmon, kon diin uniporme ang disenyo sa ubang school building sa Alegria ug Argao

Sumala sa Capitol Information Office, ang Kapitolyo maoy mogahin og pundo sa pagpatukod sa maong mga school building diin matag usa adunay tag unom ka lawak.

Si Ariaso nagkanayon nga iyang ipresentar ngadto sa kongreso ug sa Department of Budget and Management (DBM) ang desinyo nga gihimo sa Kapitolyo aron mahimo kini nga standard nga desinyo sa ubang campus sa CNU nga itukod sa Probinsya. (BANAT NEWS)