Mga pamilya sa duha ka trabahante nanawagan og tabang

CEBU, Philippines — Nanawagan og tabang ang pamilya niadtong duha ka trabahante sa usa ka planta sa semento diha sa Barangay South Poblacion, Lungsod sa San Fernando kinsa nakalas human natabonan sa raw materials samtang naglimpiyo sa cement mill.

Sayo pa, nakalas sila si Chaulin Sabayton, 45-anyos ug Joenil Baruedan, 46-anyos, foreman, ang duha pulos nagpuyo sa Barangay South Poblacion sa maong lungsod.

Si Baruedan patay na nga naabot sa Carcar District Hospital samtang si Sabayton gitabang pa apan nakasab-an gihapon kini sa kinabuhi.

Ang mga asawa sa duha ka biktima nitataw nga dili sila mosang-at og kaso apan nanghinaot sila nga dili sila pasagdan sa kompaniya nga gitrabahoan sa ilang mga bana.

Hinuon gibutyag sa pamilya sa mga biktima nga ang kompaniya maoy nibayad sa lungon ug bayronon sa hospital.

Usa sa ilang gipangayo nga tabang mao ang makapadayon pa sa pagtungha ang ilahang mga anak.

"Mahipos ang akong bana. Ang ako lang ang akong mga anak mahuman ug eskwela, adlaw nga pagkaon, wa man sad koy trabaho gyud", matud ni Georgina, asawa ni Sabayton.

Samtang si Baruedan aduna kini lima ka anak samtang si Sabayton adunay tulo ka  anak.

Nasayran nga ang kompaniya nisumetir na og incident report ngadto sa Department of Labor and Employment (DOLE). (BANAT NEWS)