72 oras nga SACLEO, P14M shabu ang nasakmit

CEBU, Philippines — Nagpahigayon ang Police Regional Office (PRO)-7 og 72-hour anti-criminality operation nga miresulta sa pagdakop sa 340 ka mga suspetsado ug pagsakmit sa illegal nga drugas nga nagkantidad og P14.6 million.

Sa gihimo nilang buy-bust operations, 18 ka drug personalities ang nasikop ug 2,149.32 nga gramos sa drugas ang nakompiskar nga nibalor og P14.6 million.

Lima sab ka tawo ang nadakpan sa kapulisan tungod sa kalapasan og paghupot og dili lisensiyadong armas ug 92 ka loose firearms ug usa ka explosive ang nasakmit.

Nagtingkagol sab sa prisuhan ang 125 ka mga sugarol, kapin sa P14,000 nga kwarta ang nakuha ug duna say mga gambling paraphernalia.

Samtang sa wanted persons, 102 ka mga pinangita sa balaod ang nadakpan apil na niini ang siyam ka most wanted persons.

"PRO 7 will launch aggressive and consistent police operations against all forms of criminalities to complement our 24/7 police presence in strategic areas in preparation for the upcoming Holidays, Sinulog 2025 and the Midterm National and Local Election 2025," sigon ni PRO-7 Regional Director Brigadier General Anthony Aberin. (BANAT NEWS)