Plastic printed driver’s license ipakuha na sa LTO

CEBU, Philippines — Ang Land Transportation Office naghatag sa mga motorista og bag-ong option sa pag-claim sa ilang plastic-printed driver's license pinaagi sa Aksyon on the Spot.

Si LTO Chief Assistant Secretary Vigor Mendoza II niawhag sa mga motorista nga wala pa naka-claim sa ilang plastic-printed driver's license sa paggamit sa AksyOn the Spot 09292920865 alang sa paspas nga printing.

Si Mendoza nagkanayon nga kadtong wala pa maka-claim sa ilang plastic printed driver’s license nga mo scan o mokuha og hulagway sa papel og ipada sa fiber platform sa AksyOn the Spot 09292920865

Matud ni Mendoza nga ilaha dayong printahon ang driver’s license sa central office ug hatagan sila og option kong gusto nila ang ilang plastic-printed driver's license pinaagi sa accredited courier service.

Base sa consolidated LTO data lima ka porsyento lang ang apektado sa backlog tungod kay wala pa kakuha sa ilang plastic-printed driver’s license hinungdan nga giawhag kini ni Mendoza sa pagkuha na sa ilang lisensiya. (BANAT NEWS)